Ó en yndislegt!

Guð, hvað ég er glaður í hjarta mínu yfir þessum frábæru tækifærum sem stúlkum bjóðast sem fara í fegurðarsamkeppni. Hvernig annars hefðu þessar sveitastúlkur átt möguleika á því að kynnast höfuðborginni, hvað þá Skotfélagi Árborgar, nema með því að taka þátt í fegurðarsamkeppni? Þetta er náttúrulega mjög mikið tækifæri fyrir þær og opnar gríðarlega mikla möguleika. Og ef allt, og ég meina, ALLT,gengur upp hjá einhverri þeirra þá hampar hún titlinum Ungrú Suðurland 2006! Er hægt að hugsa sér betra veganesti út í lífið? Getur ung stúlka í raun nokkurn tímann fengið eins góð meðmæli í lífinu eins og að geta sagt seinna meir, t.d. í atvinnuviðtali þegar hún sækir um starf fjármálastjóra hjá Actavis eftir 8 ár; "já og svo var ég auðvitað Ungfrú Suðurland árið 2006. Og jafnvel þótt hún hreppi ekki titilinn getur hún samt sagt með stolti, ja ég varð nú í þriðja sæti um ungfrú Suðurland árið 2006 og var auk þess valin vinsælasta stúlkan! Stúlka með slíka reynslu stendur einfaldlega svo miklu betur að vígi en kynsystur hennar sem ekki hafa fengið þetta frábæra tækifæri til að kynnast höfuðborginnni og skotsvæðinu í Árborg, svo ekki sé talað um að koma fram á sundbolum og síðkjólum á sviðinu í Inghóli.

Sá skrifblindi á visir.is

Enn og aftur er þeim fatlaða hleypt á græjurnar hjá vefnum visir.is
Þetta er bara ekki forsvaranlegt.
Ég nenni ekki að telja villurnar enda varla hægt fyrir hlátri. Innsláttarvillurnar eru samt ekki aðal-vandamálið heldur þessi dásamlega fullkomni skortur á máltilfinningu og alger skortur á skilningi á innihaldinu.
Uppáhaldið mitt í þessari frétt er án efa: "Í brýnu sló á milli mannsins sem endaði með því..."

Fjölmiðlar falla á rökfræðinni

Vefur mbl.is er enn og aftur með fyrirsögn sem er ekki í neinu samræmi við innihaldið. Og þetta er reyndar ekki bara skortur á samræmi heldur hrein og klár mótsögn.
Fréttin segir að hver og einn (þ.e. hvert stak í menginu allir) megi aðeins sækja um og fá eina lóð, ekki fleiri. Fyrirsögnin er hins vegar að tala um allt annað.



Þetta minnir mig reyndar á þá sögulegu staðreynd að fyrir einhverjum árum þegar ég var orðinn fullorðinn og menntaður maður þá rann einn daginn upp fyrir mér ljós þegar ég var að böðlast í einhverri skemmtilegri rökfræðibók. Ljósið sem rann upp fyrir mér var reyndar nokkuð skært og merkilegt því ég var hvorki meira né minna en að átta mig á lærdómi margra ára úr barnaskóla. Helvítis mengin eyðulögðu næstum mína barnæsku, ekki vegna þess að ég gæti ekki fært þessi djöfuls stök og notað sam- og snið- og allt hitt kjaftæðið rétt. Ég hins vegar skildi ALDREI allan þennan tíma, hvern andsk. þessir helvítis hringir og stök áttu eiginlega að fyrirstilla. Ég gat ekki sett þetta í neitt skynsamlegt samhengi á þessum árum og það var sem sé ekki fyrr en mörgum, mörgum árum síðar, þegar ég las enska bók sem fjallaði m.a. um "sets" sem ég loksins skildi hvað var verið að reyna að kenna mér og í hvaða tilgangi.
Ef þeir hefðu aulast til að sleppa þessari tæpitungu og farið af alvöru og heilbrigðri skynsemi í málefni sjálft, þ.e. rökfræði þá hefði ég áreiðanlega lært miklu meira og átt miklu skemmtilegri æsku hvað þetta varðar.

Blogg um eitthvað

Verð að blogga um eitthvað til að fela lélegan og kokhraustan spádóm hér fyrir neðan.
Hér er frétt sem hljómar ansi kunnuluglega ef menn sjá hið stóra samhengi hlutanna.
Fólk lendir orðið í afbrotum og lendir í neyslu, það virðist enginn taka sjálfstæða ákvörðun lengur um að stíga út fyrir lög og rétt, þetta eru allt fórnarlömb einhvers sjúkdóms eða sjúkleika sem við eigum að vorkenna en helst ekki refsa of mikið.

Í kvöld

Já, í kvöld.
Ekki einu sinni Eusébio da Silva Ferreira gæti bjargað Benfica í þessum aðstæðum.

YNWA

Systir mín hringdi í mig í morgun og var að fara að rölta inn á Anfield með strákana sína til að horfa á Liverpool-ManU í bikarnum.
Síðar, samkvæmt minni beiðni, hringdi hún í mig þegar The Kop byrjaði að syngja "þjóðsönginn" og ég lýg engu þegar ég segi að ég fékk gæsahúð sem er enn ekki farin og ég fór næstum að grenja undir þessu öllu saman. Þetta var hreint út sagt magnað.
Ég fer innan árs á leik á Anfield - því heiti ég hér með.

O-six O-six

Júnimánuður árið 2006 hefur alla burði til þess að verða hreint magnaður.
Heimsmeistarakeppnin er nær allan mánuðinn frá 9. júní og þann 12. kemur meistaru Waters til landsins.
Hér er síðan smá skjáborðsmunstur fyrir þá sem vilja láta sig dreyma dagdrauma í vinnunni um magnaðan bolta í allt að fimm tíma á dag.



Ef bossmann kvartar þá er eina svarið til hans þetta:
"Fuck all that we gotta get on with these!"

og svo heldur Waters áfram og hefur greinilega séð fyrir sjötta mánuð sjötta ársins.
cant stop lose job mind gone silicon
what bomb get away pay day make hay
break down need fix big six

Big six! Það er einmitt málið. Þetta er alveg rosaleg eitthvað kosmos svona...

ps. ef myndin er of lítil til að nota sem skjáborð þá má betla í mér og ég sendi 1024 útgáfuna sem ég útbjó.

The Fjalar's Memorial Home

"da da da da da dadadada da da dadadadada da da da
da da da da"!!!!!!!!!!!!!!!!!!!!!
Hann er að koma! Ecce homo! hann kemur!

take all your overgrown infants away somewhere
and build them a home a little place of their own
the fletcher memorial
home for incurable tyrants and kings
and they can appear to themselves every day
on closed circuit t.v.
to make sure they're still real
it's the only connection they feel


Jaaa - Dííí bugati! jang ting fatú! níh níh níh jáúúú!!!
Minn er ekki ritfær... meira kemur síðar.
Ég hef ekki sagt mitt siðasta orð um 12. júní.
- - -
If you should go skating
on the thin ice of modern life
draggin behind you the silent reproach of a million tear stained eyes.

Minn verður á staðnum -með rakaðar augabrúnir og allt!

Don't look so frightened this is just a passing phase, one of my bad days
- - - -
What shall we use to fill the empty
Spaces where we used to talk
How shall I fill the final places
How shall I complete the wall
-----
should we shout should we scream
"what happened to the post war dream?"
oh maggie, maggie what have we done?


- - -
Do you think it's time I stopped?
Why are you running away? (echo echo)

Vöntunarskortur á ritfærnisleysi

Mér þykir sjálfsagt og eðlilegt að fötluðum sé gert kleift að vinna á almennum vinnumarkaði. En verður ekki að vera smá system i galskapet, þarf ekki að vera örlítið samhengi á milli getu einstaklingsins og vinnunnar sem honum er útveguð? Ekki látum við blindan mann keyra vörubíl eða heyrnarlausan stjórna sinfóníunni er það? Hvers vegna er þá skrifblindur maður látinn skrifa fréttir á visir.is?

Meira að segja fyrirsögnin sleppur ekki við skrifblinduna, en ástandið versnar alltaf eftir því sem á líður. Ég taldi 10 villur í þessari litlu frétt og það í svona fljótu bragði.

Skortur á talmálsþjónustu

Ef einhver skilur þetta þá verður honum heimilt að fá samlokuþjónustu nema hann sé með flökkuþjónustu því þá fær hann langlokuþjónustu enda er ekki heimilt að flytja mat á milli slíkrar þjónustu og hefðbundinnar matarþjónustu.

Af pólitískum ástæðum

Af pólitískum ástæðum birti ég þessar myndir á opinberum vettvangi. Ef ég hefði aðgang að opinberari vettvangi en þetta mundi ég birta þær þar.